����logo���

Skolioza te fëmijët, çfarë e shkakton dhe cilat janë shenjat e hershme?

Skolioza është një lakim anësor i shtyllës kurrizore, i cili mund të zhvillohet gradualisht dhe të bëhet më i dukshëm gjatë periudhave të rritjes. Në shumë raste, veçanërisht në fazat e hershme, nuk shoqërohet me dhimbje.

🧬 Çfarë e shkakton skoliozën?

Në shumicën e rasteve te fëmijët dhe adoleshentët, skolioza është idiopatike, që do të thotë se shkaku i saktë nuk dihet. Në raste më të rralla, mund të lidhet me anomali të lindura të shtyllës kurrizore, sëmundje neuromuskulare ose shkaqe të tjera.

🔎 Cilat janë shenjat e hershme?

Prindërit mund të vërejnë:
• Një shpatull më të lartë se tjetra
• Njërën shpatull më të dalë se tjetrën
• Ije jo në të njëjtën lartësi
• Beli më të theksuar në njërën anë
• Trupin që anon nga njëra anë
• Gjatë përkuljes përpara, njëra anë e shpinës mund të duket më e ngritur se tjetra

Zbulimi i hershëm është veçanërisht i rëndësishëm gjatë periudhës së rritjes, pasi mundëson ndjekjen në kohë të lakimit dhe përcaktimin e trajtimit të përshtatshëm.

Nëse vëreni ndryshime të vazhdueshme në qëndrimin ose simetrinë e trupit të fëmijës, këshillohet konsultë me mjekun ortoped.

Për më shumë informacion ose për të rezervuar një vizitë, kontaktoni në 042 357 535 ose klikoni në: rezervime.spitaliamerikan.com

Spitali Amerikan, përqafoje jetën! ...

🎒 Para se të nisë shkolla, sigurohuni që fëmija ta nisë vitin e ri shkollor me shëndet të mirë.

Spitali Amerikan ofron një paketë kontrolli mjekësor për fëmijët, e cila përfshin ekzaminime të rëndësishme për vlerësimin e gjendjes së tyre shëndetësore.

Paketa përfshin:

🦴 Kontroll për skoliozë – Vlerësimi i shtyllës kurrizore për të identifikuar herët devijimet posturale.

👁️ Vizitë okulisti – Kontroll i shikimit për të vlerësuar mprehtësinë pamore dhe për të siguruar shikim të mirë gjatë mësimit.

🩺 Kontroll i përgjithshëm pediatrik – Vlerësim i gjendjes së përgjithshme shëndetësore dhe këshillim mjekësor para nisjes së shkollës.

🔬 Analizë e feçes – Analizë laboratorike për vlerësimin e shëndetit të sistemit tretës dhe zbulimin e hershëm të problemeve.

Për më shumë informacion, kontaktoni në 042 357 535 ose klikoni: rezervime.spitaliamerikan.com

Spitali Amerikan, përqafoje jetën! ...

Eko e gjirit (Ekografia e gjirit) është një ekzaminim me ultratinguj që përdoret për të vlerësuar indin e gjirit.

Ky ekzaminim rekomandohet kur:
▪Keni kiste ose fibroadenoma që duhen monitoruar
▪Keni dhimbje, ënjtje, skuqje ose rrjedhje nga koka e gjirit
▪Jeni nën 35 vjeç dhe keni simptoma si kokërr në gji
▪Jeni shtatzënë ose ushqeni me gji
▪Keni implante të gjirit
▪Keni gji me densitet të lartë

Për më shumë informacion ose për të rezervuar një vizitë, kontaktoni në 042 357 535 ose klikoni në: rezervime.spitaliamerikan.com

Spitali Amerikan, përqafoje jetën! ...

Kolesteroli i lartë nuk shkakton gjithmonë simptoma, por mund të ndikojë në shëndetin e zemrës dhe enëve të gjakut.

Kur nivelet e kolesterolit, veçanërisht LDL-kolesterolit (“kolesteroli i keq”), janë të larta, ai mund të kontribuojë në formimin e pllakave aterosklerotike në muret e arterieve. Me kalimin e kohës, kjo mund të rrisë rrezikun për sëmundje kardiovaskulare, infarkt të miokardit dhe insult ishemik.

🩸 Si kontrollohet?
Me një analizë gjaku, zakonisht përmes profilit lipidik, i cili vlerëson parametrat kryesorë të yndyrave në gjak.

Mjeku i vlerëson rezultatet së bashku me faktorë të tjerë të rrezikut dhe përcakton nëse mjaftojnë ndryshimet në stilin e jetesës apo nevojitet edhe trajtim medikamentoz.

Çfarë mund të bëni për të mbrojtur shëndetin kardiovaskular?

✅ Kryeni aktivitet fizik të rregullt
✅ Ndiqni një ushqyerje të shëndetshme për zemrën
✅ Mos pini duhan
✅ Mbani një peshë të përshtatshme për ju
✅ Kujdesuni për gjumin dhe menaxhoni stresin
✅ Kufizoni konsumin e alkoolit

Nëse ndryshimet në stilin e jetesës nuk janë të mjaftueshme ose rreziku kardiovaskular është i lartë, mjeku mund të rekomandojë trajtim medikamentoz. Statinat janë ndër barnat më të përdorura për uljen e LDL-kolesterolit, ndërsa në raste të caktuara mund të nevojiten edhe terapi të tjera.

Mos prisni simptomat për të kontrolluar kolesterolin.
Kujdesi për zemrën fillon me njohjen e rrezikut tuaj.

Për më shumë informacion ose vizitë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën! ...

🦶 Kur forma e harkut të këmbës bëhet shqetësim?

Forma e harkut të këmbës ndryshon nga personi në person. Kur harku është shumë i ulët ose shumë i lartë, mund të shfaqen dhimbje, lodhje dhe vështirësi gjatë ecjes.

🦶 Këmbët e sheshta

Këmbët e sheshta, ose harqet e rëna, ndodhin kur harku i brendshëm i këmbës është shumë i ulët.

Mund të jenë të pranishme që nga lindja ose të shfaqen me kalimin e kohës. Shkaqet mund të lidhen me dëmtime, ndryshime të tendinave dhe ligamenteve ose artritin.

Simptomat mund të përfshijnë:
• Dhimbje në harkun e këmbës ose në thembër
• Lodhje dhe dobësi në këmbë
• Ënjtje rreth kyçit të këmbës
• Vështirësi gjatë qëndrimit në këmbë ose ecjes për një kohë të gjatë

Këmbët e sheshta mund të ndikojnë edhe në mënyrën e ecjes dhe në shpërndarjen e peshës.

🦶 Këmbët me hark të lartë

Në këtë rast, harku i këmbës është më i lartë se normalja. Kjo mund të shkaktojë presion të shtuar në disa zona të këmbës.

Harqet e larta mund të jenë të trashëguara. Në disa raste, ato lidhen edhe me probleme neurologjike ose neuromuskulare.

Simptomat mund të përfshijnë:
• Dhimbje në shputë ose në thembër
• Paqëndrueshmëri të kyçit të këmbës
• Kallo në zonat ku ushtrohet më shumë presion
• Lodhje ose dhimbje gjatë qëndrimit në këmbë dhe ecjes

🔎 Kur duhet të konsultoheni me mjekun?

Nëse keni dhimbje të vazhdueshme, lodhje të theksuar, vështirësi në ecje ose ndryshim të dukshëm të formës së këmbës, mos e neglizhoni.

Një konsultë mjekësore ndihmon në përcaktimin e shkakut dhe trajtimit të duhur.

Për më shumë informacion ose vizitë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën! ...

Çfarë shkakton mungesa e vitaminës B12?

Vitamina B12 është thelbësore për funksionimin normal të sistemit nervor, formimin e qelizave të kuqe të gjakut dhe prodhimin e ADN-së. Mungesa e saj mund të ndodhë jo vetëm për shkak të marrjes së pamjaftueshme nga ushqimi, por edhe kur organizmi nuk arrin ta përthithë siç duhet.

Personat që ndjekin një dietë vegane ose vegjetariane pa burime të fortifikuara të B12, të moshuarit dhe personat me probleme të përthithjes janë ndër grupet me rrezik më të lartë. Mungesa mund të lidhet gjithashtu me përdorimin afatgjatë të disa medikamenteve, veçanërisht metforminës dhe frenuesve të pompës protonike, si omeprazoli.

Mungesa e vitaminës B12 mund të shkaktojë:

* Lodhje dhe dobësi
* Vështirësi me kujtesën dhe përqendrimin
* Mpirje ose ndjesi shpimi gjilpërash në duar dhe këmbë
* Probleme me ekuilibrin dhe koordinimin
* Probleme me shikimin
* Gjuhë që dhemb ose të skuqur dhe ulçera në gojë
* Anemi megaloblastike

E rëndësishme: simptomat neurologjike të mungesës së B12 mund të shfaqen edhe pa praninë e anemisë dhe, nëse mungesa lihet pa trajtuar për një kohë të gjatë, disa dëmtime neurologjike mund të bëhen të pakthyeshme.

🤰 Gjatë shtatzënisë, B12 është e rëndësishme për shëndetin e nënës dhe zhvillimin e bebes. Prandaj, gratë shtatzëna dhe ato që planifikojnë shtatzëni duhet të sigurojnë marrjen e mjaftueshme të kësaj vitamine.

Burimet e vitaminës B12

* 🥩 Mishi
* 🐟 Peshku dhe ushqimet e detit
* 🥚 Vezët
* 🥛 Qumështi dhe produktet e qumështit
* 🌾 Ushqimet e fortifikuara me vitaminë B12, veçanërisht për personat që nuk konsumojnë ushqime me origjinë shtazore.

Nëse dyshohet për mungesë të vitaminës B12, një analizë gjaku dhe vlerësimi nga mjeku ndihmojnë në përcaktimin e diagnozës dhe trajtimit të përshtatshëm.

Spitali Amerikan, përqafoje jetën! ...

🤰 Kur është koha më e mirë për Ekografinë 3D/4D?

Një nga momentet më emocionuese gjatë shtatzënisë është të shihni beben tuaj në pamje 3D/4D.

Por kur është momenti më i përshtatshëm?

📅 Në përgjithësi, periudha nga java e 24-t deri në javën e 34-t mund të ofrojë mundësi të mira për të përftuar imazhe të qarta 3D/4D, veçanërisht të fytyrës së bebes.

Megjithatë, cilësia e pamjeve nuk varet vetëm nga java e shtatzënisë. Ajo ndikohet edhe nga pozicioni i fetusit, sasia e lëngut amniotik dhe faktorë të tjerë teknikë. Prandaj, ndonjëherë fetusi mund të mos jetë në pozicionin më të përshtatshëm për një imazh të qartë.

🔎 Çfarë është më e rëndësishme?

Ekografia 3D/4D është një plotësim i ekzaminimit. Prioriteti është gjithmonë vlerësimi i shëndetit, rritjes dhe zhvillimit të fetusit, përmes ekografisë standarde 2D dhe matjeve të nevojshme.

Pamjet 3D/4D janë një mundësi e bukur për ta parë beben tuaj më nga afër dhe për të krijuar një kujtim të veçantë të shtatzënisë. 💕

Për më shumë informacion ose për të rezervuar vizitën tuaj me mjekët tanë, kontaktoni në 042 357 535 ose klikoni në: rezervime.spitaliamerikan.com

Spitali Amerikan, përqafoje jetën! ...

📢 Spitali Amerikan 3 kërkon të punësojë Barrelist/Transportues

Barrelisti/ Transportuesi është përgjegjës për ofrimin e mbështetjes ndaj ekipit infermieror/mjekësor në transportin, akomodimin e pacientit si edhe mirëmbajtjen e pajisjeve me të cilat punon.

Detyrat dhe përgjegjësitë

• Ndihmon në transportimin dhe shoqërimin e pacientëve nga repartet për ekzaminime diagnostike, ndërhyrje kirurgjikale.
• Merr pjesë gjatë transferimit brenda dhe jashtë spitalit.
• Angazhohet ne transportet e pacientëve në ambulancë
• Ofron mbështetje për infermierët në kujdesin bazë të pacientëve, mobilizimin, ndryshimin e pozicionit, sipas udhëzimeve dhe nevojës.

Kualifikimet, eksperienca dhe cilësitë

• Diplomë e arsimit të mesëm.
• Eksperienca e mëparshme në institucione shëndetësore përbën avantazh.
• Njohuri bazë të përdorimit të kompjuterit.
• Njohja e gjuhës angleze ose një gjuhe tjetër të huaj përbën avantazh.
• Pergatitje fizike.

Të interesuarit të dërgojnë CV dhe një fotografi në adresën e e-mail të Departamentit të Burimeve Njerëzore [email protected]

Spitali Amerikan, përqafoje jetën! #spitaliamerikan ...

HOLEP - Teknologjia moderne me lazer për trajtimin e prostatës së zmadhuar

Zmadhimi i prostatës është një problem i zakonshëm tek meshkujt, veçanërisht pas moshës 50 vjeç, dhe mund të shkaktojë vështirësi në urinim, urinim të shpeshtë gjatë natës, rrjedhje të dobët të urinës dhe ndjesinë e moszbrazjes së plotë të fshikëzës.

🩺 Sot, falë teknologjisë moderne, trajtimi i prostatës së zmadhuar mund të realizohet pa kirurgji të hapur përmes metodës HOLEP (Holmium Laser Enucleation of the Prostate), e konsideruar si një nga standardet më të avancuara në urologjinë moderne.

⚡ Gjatë procedurës, lazeri Holmium përdoret për të hequr indin e prostatës që shkakton bllokimin urinar, duke e realizuar ndërhyrjen në mënyrë endoskopike, pa prerje kirurgjikale.

✅ Përfitimet e HOLEP:
• Pa kirurgji të hapur
• Pa prerje të jashtme
• Humbje minimale gjaku
• Efektive edhe për prostata shumë të mëdha
• Qëndrim më i shkurtër në spital
• Rikuperim më i shpejtë
• Rezultate afatgjata dhe të qëndrueshme

💡 HOLEP ofron një zgjidhje moderne, të sigurt dhe efektive për pacientët që kërkojnë trajtim të avancuar të prostatës së zmadhuar, me më pak shqetësime dhe kthim më të shpejtë në aktivitetet e përditshme.

👨‍⚕️ Nën kujdesin e Dr. Faruk Doğan, pacientët përfitojnë nga teknologjia më bashkëkohore dhe ekspertiza e specializuar në trajtimin e sëmundjeve të prostatës.

📍 Spitali Amerikan 3
📞 Rezervime: 042 35 75 35
🌐 Online: rezervime.spitaliamerikan.com

👨‍⚕️ Dr. Faruk Doğan
Urology | Andrology | Urogynecology ...

📢 Spitali Amerikan 3 kërkon të punësojë Koordinator

🔹 Përgjegjësitë kryesore:

• Koordinon procesin e pacientit nga momenti i pranimit deri në përfundimin e shërbimit
• Ndjek fluksin e shërbimeve, konsultave dhe ekzaminimeve sipas prioritetit
• Komunikon me pacientin dhe familjarët, duke garantuar informim të saktë dhe të qartë
• Bashkëpunon ngushtë me mjekët, infermierinë dhe administratën për mbarëvajtjen e çdo rasti

🔹 Çfarë ofrojmë:

• Rol kyç në operacionet spitalore dhe menaxhimin e pacientit
• Trajnim praktik në koordinim klinik, standarde shërbimi dhe komunikim profesional
• Mundësi reale zhvillimi në pozicione senior dhe menaxheriale
• Pagesë konkurruese dhe vlerësim bazuar në performancë

Të interesuarit të dërgojnë CV dhe një fotografi në adresën e e-mail të Departamentit të Burimeve Njerëzore [email protected]

Spitali Amerikan, përqafoje jetën!
#spitaliamerikan ...

Spitali Amerikan 3 kërkon të punësojë recepsionist/e.

📍Data e fundit e aplikimit: 27.08.2026.

Kandidatët e suksesshëm duhet të plotësojnë kërkesat e mëposhtme:

• Arsim i lartë
• Njohuri të mira të paketës Office (Word, PowerPoint, Excel)
• Njohuri të mira të gjuhës angleze
• Aftësi të mira organizative dhe komunikuese
• Eksperienca e mëparshme në një pozicion të ngjashëm përbën avantazh

Të interesuarit të dërgojnë CV dhe një fotografi në adresën e e-mail të Departamentit të Burimeve Njerëzore [email protected]

Spitali Amerikan, përqafoje jetën! ...

Çfarë janë gurët në veshka dhe cilat janë shenjat që duhet të njohim?

Gurët në veshka janë masa të forta që formohen kur disa minerale dhe kripëra në urinë grumbullohen dhe kristalizohen. Ata mund të jenë shumë të vegjël dhe të eliminohen vetë përmes urinës, por kjo varet nga madhësia dhe vendndodhja e gurit.

Kur një gur lëviz në ureter, tubi që lidh veshkën me fshikëzën e urinës, ose pengon rrjedhjen e urinës, mund të shkaktojë dhimbje të forta dhe, në disa raste, komplikacione.

Simptomat më të zakonshme përfshijnë:
• Dhimbje të forta në shpinë, anash barkut ose në ijë
• Dhimbje ose djegie gjatë urinimit
• Nevojë të shpeshtë ose urgjente për të urinuar
• Gjak në urinë
• Të përziera dhe të vjella

Gurët e vegjël mund të kalojnë pa shkaktuar simptoma.

A është çdo dhimbje në bark apo shpinë shenjë e gurëve në veshka?
Jo. Dhimbje të ngjashme mund të shkaktohen edhe nga infeksionet urinare apo gjendje të tjera, ndaj simptomat nuk mjaftojnë gjithmonë për të përcaktuar shkakun. Vlerësimi nga mjeku ndihmon në vendosjen e diagnozës së saktë.

Si diagnostikohen gurët në veshka?
Në varësi të simptomave, mjeku mund të rekomandojë analiza të urinës dhe gjakut, eko të aparatit urinar, radiografi ose CT (skaner). Këto ekzaminime ndihmojnë në përcaktimin e madhësisë dhe vendndodhjes së gurit dhe nëse ai po shkakton bllokim të rrugëve urinare.

Çfarë rrit rrezikun për formimin e gurëve?
Marrja e pamjaftueshme e lëngjeve është një faktor i rëndësishëm rreziku. Edhe konsumimi i tepërt i kripës dhe, në varësi të llojit të gurit dhe faktorëve individualë, i proteinave shtazore apo ushqimeve të pasura me oksalate mund të ndikojë në formimin e tyre.

Nëse keni dhimbje të forta, gjak në urinë, të vjella, temperaturë ose të dridhura, apo vështirësi në urinim, kërkoni vlerësim mjekësor.

Për më shumë informacion ose për të rezervuar një vizitë me mjekët tanë:
042 35 75 35
rezervime.spitaliamerikan.com

Spitali Amerikan, përqafoje jetën! ...

📢 Spitali Amerikan 3 kërkon të punësojë Operator/e në Farmacinë Spitalore.

Kriteret:
• Diplomë universitare.
• Njohja e një gjuhe të huaj; preferohet gjuha angleze.
• Përvojë pune në një pozicion të ngjashëm përbën avantazh.
• Aftësi të mira organizative, korrektësi dhe përgjegjshmëri.
• Gatishmëri për të punuar me turne.

📩 Aplikimi:
Të interesuarit duhet të dërgojnë CV-në dhe një fotografi në adresën e emailit të Departamentit të Burimeve Njerëzore:

[email protected]

Vetëm kandidatët e përzgjedhur do të kontaktohen.

Spitali Amerikan, përqafoje jetën! ...

Rudin Domi, kur dija e mjekut bashkohet me zemrën e njeriut

-Një jetë në shërbim të mjekësisë shqiptare
-Emër që Durrësi e mban me krenari
-Traditë familjare që vazhdon nga brezi në brez

Nga BUJAR QESJA
Mjeshtër i Madh

Në mjekësi ekziston një çast i veçantë, i heshtur dhe i vështirë për t’u shpjeguar me fjalë. Është ai çast, kur pacienti shtrihet në sallën e operacionit dhe ia dorëzon jetën e vet duarve të mjekut. Në atë moment, titujt akademikë, librat, konferencat, artikujt shkencorë dhe vitet e karrierës marrin kuptim tjetër. Mbi gjithçka qëndron përgjegjësia njerëzore.

Mjeku nuk ka përballë një dosje. Ka përballë një njeri. Ka përballë frikën e tij, shpresën e tij, familjen që pret pas derës, sytë e një nëne, të një bashkëshorteje, të një fëmije, të një babai që kërkon vetëm një përgjigje: A do të jetë mirë? Në këtë hapësirë të vështirë të mjekësisë, ku shkenca duhet të ecë krah për krah me karakterin, qëndron një emër që prej vitesh ka ndërtuar një profil të veçantë në mjekësinë shqiptare, Prof. Dr. Rudin Domi.

Është profesor, shkencëtar, pedagog, specialist i anestezi-reanimacionit, studiues dhe profesionist me përvojë të gjatë klinike. Por përtej të gjithë këtyre përcaktimeve, është edhe diçka, që nuk shkruhet lehtë në një diplomë. Është mjeku që di të jetë pranë njeriut. Këtu fillon historia e tij më e bukur.

Profesionisti i spikatur, nuk matet vetëm me numrin e artikujve që ka botuar, me konferencat ku ka folur, me titujt që ka fituar apo me institucionet ku ka shërbyer. Madhështia e vërtetë e mjekut, duket kur del nga korniza e profesionit dhe bëhet pjesë e ankthit, shpresës dhe besimit të pacientit. Rudini e ka këtë cilësi.

Është njeri i gjindshëm, popullor, masovik. Ka një komunikim të drejtpërdrejtë me njerëzit. Nuk e vendos titullin përpara njeriut, e kundërta është në logjikë. Dhe kjo është një pasuri.

📖 Për të lexuar shkrimin e plotë, klikoni linkun në Story. ...